35.5 C
Elbasan

Rritja e rasteve me COVID-19/ Manastirliu: Ekspertët e paralajmëruan për fazën e hapjes, rreziku më i madh ulja e vigjilencës

Ministrja e Shëndetësisë dhe Mbrojtjes Sociale, Ogerta Manastirliu deklaroi sot se pavarësisht rritjes së rasteve që konfirmohen me COVID-19, situata nuk ka dalë jashtë kontrollit.

Në një intervistë në media, Manastirliu u shpreh se është një situatë që u paralajmërua edhe nga Komiteti i Ekspertëve tanë, por edhe nga ekspertë në institucione prestigjoze ndërkombëtare, të cilët vlerësuan se kur rihapemi do të kishte më tepër raste.

“Ka një ekspozim më të rritur kur rihapesh në të gjitha aktivitetet, përfshirë edhe sektorin shëndetësor”, u shpreh ministrja.

Ne, tha ministrja, e kemi hapur sistemin shëndetësor, vendosëm të ofronim të gjitha shërbimet. “Ekspozimi është më i madh në strukturat shëndetësore, përkundrejt virusit, sepse aty vijnë të sëmurë kronikë, urgjenca dhe ballafaqimi është i lartë me ata që e kanë marrë virusin”, deklaroi Manastirliu.

Lidhur me pretendimin se spitali është kthyer në vatër infeksioni, ministrja theksoi se nuk mund të flasim për vatra infeksioni, por duhet të flasim për hetime që janë kryer në kohë për të parandaluar që ky zinxhir infeksioni të na shkaktonte mbylljen e spitaleve.

Atëherë, tha ajo, situata do të ishte serioze.

Sipas ministres, mbrojtja e personelit dhe zbatimi i protokolleve nga ana e personelit duhet të jetë sipas parametrave.

Ministrja bëri të ditur se “kemi garantuar furnizmin me materiale mbrojtëse personale të gjithë personelin shëndetësor dhe se për asnjë moment nuk ka ceduar as furnizimi dhe as stoku”.

“Ulja e vigjilencës do të ishte risku më i madh për qarkullimin e virusit”, deklaroi Manastirliu.

Sipas saj, sjellja individuale ka shumë të bëjë në luftën kundër COVID-19.

“Lufta nuk ka përfunduar dhe na duhet të vijojmë këtë luftë nëpërmjet strategjisë sonë duke dëgjuar ekspertët” tha Manastirliu.

Ekspertët u shpreh Manastirliu, apelojnë për zbatimin e rregullave që kanë nxjerrë autoritetet shëndetësore, për zbatimin e protokolleve në të gjitha aktivitetet me risk të lartë e të mesëm.

Atsh

Lajme të tjera

Aksident në autostradën Vlorë-Levan, plagosen shoferi dhe dy turistë

Një aksident ka ndodhur në autostradën Vlorë-Levan. Mësohet se një taksi me drejtuesin dhe dy turistë ka përfunduar jashtë rrugës. Raportohet se të tre personat...

Të arrestuar dhe të proceduar nga policia e Elbasanit! Ja çfarë ka ndodhur gjatë natës

Drejtoria Vendore e Policisë Elbasan Specialistët e Qarkullimit Rrugor arrestuan në flagrancë shtetasin G. Th., 41 vjeç, pasi u kap duke drejtuar automjetin, në gjendje...

Angli/ Autobusi me nxënës del nga rruga dhe përfundon në lumë, raportohet për të lënduar

Një autobus që transportonte nxënës, ka dalë nga rruga dhe ka përfunduar në një lumë në Hampshire. Si pasojë tre persona janë transportuar në spital....

Vranë efektivin e policisë/ Gjykata e Lartë në Mal të Zi lë në fuqi dënimin për tre autorët nga Malësia e Madhe

Gjykata e Lartë e Malit të Zi ka refuzuar ankesat e Luan, Lulzim dhe Nura Hasanaj, nga Bajza e Malësisë së Madhe, të akuzuar...

Metamorfoza”/ Nga Pëllumb Gjoka te Astmer Bilali, Oltion Bistri e Behar Bajri, SPAK lexon pretencën. Ja nga sa vite burg kërkon

SPAK lexon pretencën ndaj të akuzuarve të dosjes “Metamorfoza”. Pëllumb Gjoka 14 vjet burg, Edmond Preka 11 vjet, Astmer Bilali 10 vjet, Ardit Hasanbegaj 9...

E rëndë në Elbasan! Shoferi humb kontrollin e makinës dhe bie nga ura

Elbasan Aksident i rëndë në aksin Peqin–Elbasan,automjeti bie nga ura Një aksident i rëndë ka ndodhur në orët e vona të pasdites në segmentin rrugor kombëtar...