Ambasada Ruse në Tiranë në një postim në Twitter i ka kthyer përgjigje këshilltarit të kryeministrit Edi Rama, Endri Fuga, ku thotë se është e gatshme që të sjellë në Shqipëri vaksinën ruse anti Covid-19 “Sputnik V”.
I pyetur në konferencën e fundvitit me gazetarët nëse Shqipëria do e pranojë vaksinën e ofruar nga Rusia,Rama dha përgjigjen se kur e pa postimin mendoi se ishte meme. Ai tha se nuk është mirë që një shtet serioz si Rusia të bëjë provokime të tilla.
Rama: Ajo që pashë që ambasada e Rusisë kishte postuar nga Twitteri i drejtorit të komunikimi një retweet të shefes së Komisionit Europian. Mendova se ishte një meme. Sepse për një shtet serioz është krejtësisht e papërshtatshme që të bëjë provokime të tilla. Kur them provokim nuk i paraprij ndonjë demarshi pranë shtetit rus sepse ky është një provokim qesharak. Dhe nuk është mirë që një shtet si Rusia të bëhet qesharake nëpërmjet këtyre postimeve. Që ambasada e një shteti serioz të sillet sikur është një seksion i portokallisë apo konkurrent i portokallisë. Shpreh keqardhjen për këtë.
“Ne jemi të fokusuar te vaksinat e Phizer, Astra Zeneca dhe Moderna. Shtetet me te cilat ne komunikojmë në BE janë drejtuar në këto kompani” theksoi Rama
Ora tv
