Qytetarët amerikanë do të marrin vaksinën kundër koronavirusit të Pfizer/BioNTech duke filluar nga dita e nesërme, e hënë, pasi u autorizua për përdorim emergjent.
Tre milion dozat e para të vaksinës do të transportohen në të gjithë Amerikën këtë fundjavë, tha Gjeneral Gustave Perna, i cili po mbikëqyr shpërndarjen.
Vaksina ofron mbrojtje deri në 95% kundër Covid-19 dhe u gjykua e sigurt nga Administrata e Ushqimit dhe Barnave (FDA).
Të parët do të vaksinohen miliona punonjës të shëndetësisë, pasuar nga personeli dhe banorët e qendrave për të moshuarit, individët me sëmundje të tjera ekzistuese si dhe amerikanët e moshuar. Pjesa tjetër e popullatës do të duhet të presë deri në prill apo maj të vitit të ardhshëm.
Vaksina Pfizer tashmë ka marrë miratimin në Britani, Kanada, Bahrein dhe Arabinë Saudite
Newsbomb
