Dy persona janë plagosur gjatë natës në zonën e Bllokut në Tiranë. Ngjarja ka ndodhur si pasojë e një konflikti të çastit, ndërsa është përdorur edhe arma e zjarrit.
Burime në polici bëjnë me dije se është plagosur me armë në këmbë një 31-vjeçar, ndërsa është dëmtuar me sende të forta edhe Rois Babasi, djali ish-deputetit të PD-së Ndriçim Babasi. Të dy ndodhen në spital, por fatmirësisht pa pasoja për jetën. Paraprakisht bëhet me dije se konflikti ka ndodhur për punë femrash.
Policia mëngjesin e sotëm, pasi ka marrë ndihmën mjekësore ka arrestuar Rois Babasin, i plagosur me sende të forta. Rois, djali i ish-deputetit të PD-së, duke parë situatën ka nxjerrë armën dhe ka plagosur personin tjetër 31-vjeçar.
Në cilësinë e provës materiale është sekuestruar arma e zjarrit, ndërsa janë marrë në pyetje edhe persona të tjerë të cilët ishin në lokal, ku nisi sherri.
Tani djali i ish-deputetit do të përballet në gjykatë me akuzat “Plagosja e rëndë me dashje” dhe “Mbajtja pa leje dhe e armëve, armëve shpërthyese dhe municionit”
/Shqiptarja.com
