26.4 C
Elbasan

Si funksionon mafia e trafikut të emigrantëve nga Afrika e Lindja e Mesme, nëpërmjet Shqipërisë

Imigrimi drejt Bashkimit Europian ka filluar të ushqejë në Shqipëri një aktivitet të ri kriminal, trafikimin e njerëzve përmes territorit të vendit.

Emisioni “Me Pak Fjalë” solli dy intervista të shkurtra të marra ekskluzivisht nga Alice Taylor, gazetare e Exit.al, me një ndërmjetës shqiptar trafiku klandestinësh dhe një shofer që ka bërë transportin, të cilët nuk janë identifikuar për arsye sigurie.

Ndërmjetësi shpjegoi se trafiku i imigrantëve nga Lindja e Mesme dhe Afrika e Jugut përbëhet nga një rrjet organizatash ku lojtarët kryesorë janë grupe të organizuara kurde dhe marokene.

“Bëjnë kontaktet me njerëzit e tyre që janë këtu në Shqipëri. Ne kemi kontaktet, marrim vendndodhjet me lokacionet e sakta dhe kontaktojmë me shoferat”, tha ai.

Sa i përket trafikimit në Shqipëri, ky person deklaroi se drejtohet nga shqiptarë të cilët kanë lidhje me trafikantët kurdë dhe marokenë.

Më poshtë vijnë ndërmjetësit cilët organizojnë shoferët, negociojnë, organizojnë marrjen e imigrantëve, merren me pagesa dhe pastaj shoferët.

Shoferi i intervistuar pohoi se ka transportuar imigrantë të paligjshëm 3 herë dhe më pas është arrestuar nga policia.

Ai tha këtë e ka bërë për arsye ekonomike dhe zbuloi se merrte 50 euro për çdo imigrant.

Shqipëria është një nga korridoret kryesore të kalimit të imigrantëve nga Afrika dhe Lindja e Mesme drejt BE-së. Sipas ndërmjetësit, kjo vjen pasi “në Shqipëri është më e lehtë për të bërë lëvizjen e transportit.”

Ai tha se kostoja e të gjithë udhëtimit nga kufiri me Greqinë drejt Tiranës dhe më pas kalimi drejt Kosovës ose Malit të Zi është 250 euro.

Imigrantët ndahen në dy kategori – familje të klasës së mesme, burra të rinj, dhe disa gra dhe fëmijë. Ata udhëtojnë si një grup për disa qindra euro secili. Pastaj ka edhe të tjerë që paguajnë për të udhëtuar vetëm me një çmim të lartë.

Sapo mbërrijnë në Tiranë, imigrantët merren dhe çohen në një “shtëpi të sigurt”. Ata kanë mundësi të pushojnë për një ditë apo më shumë përpara se të vazhdojnë në pjesën tjetër të udhëtimit që është në Mal të Zi ose kryesisht në Kosovë.

Jo të gjithë imigrantët kanë mundësi të paguajnë transportin nga këto grupe dhe shpesh zgjedhin të hyjnë në Shqipëri duke udhëtuar më këmbë. Kryesisht ata zhvendosen drejt Tiranës ku ndonjëherë zgjedhin të qendrojnë ose kërkojnë për mundësi për të kaluar në vendet e BE-së.

Ata janë bërë shpesh herë burim denoncimesh në Babrru dhe periferi të Tiranës për vjedhjeve të pretenduara, konflikte në publik dhe shkeljeve të tjera të ligjit./Exit.al

 

 

 

 

© SYRI.net

Lajme të tjera

Greqi, tërmet i fuqishëm me magnitudë 5 në Zakinthos, lëkundjet ndjehen edhe në Ilia

Një tërmet me magnitudë 5 ndodhi pranë brigjeve të Zakinthos në perëndim të Peloponezit në orën 19:24 të premten, (ora lokale).Sipas Institutit Gjeodinamik, tërmeti...

Edi Rama urdhëron shkarkimin e drejtorëve të Elbasanit

Kryeministri Edi Rama ka zhvilluar sot në Durrës një takim me kryetarët e bashkive të vendit për të diskutuar mbarëvajtjen e pushtetit vendor dhe...

Zjarri tek varrezat në Elbasan! Rama turpëron Llatjan.Nuk të falet

Kryeministri Edi Rama ka zhvilluar sot në Durrës një takim me kryetarët e bashkive të vendit për të diskutuar mbarëvajtjen e pushtetit vendor dhe...

Burg deri në 3 vjet/ “Parkimi i dyfishtë, vepër penale”, Ilir Proda: Do të kryhen veprime hetimore, jo thjesht gjoba

Parkimi i dyfishtë i automjeteve në rrugë nuk do të ekzistojë si një shkelje administrative, por si një vepër penale. Kjo gjë u me...

Adriatik Llapaj “humb” mandatin e deputetit

Nëse marrim një mandat unë nuk hyj në parlament” Karma po i kthehet shume shpejt Adriatik Lapajt. Endrit Shabani po tenton ta lërë jashtë parlamentit. Daja...

Elbasan, lagja ’11 nëntori’ pa ujë të pijshëm, banorët: Uji mungon ose vjen me kufizime

Banorët e lagjes “11 Nëntori” në qytetin e Elbasanit vuajnë mungesën e ujit të pijshëm. Edhe pse temperaturat gjatë këtyre ditëve po shënojnë shifra rekord,...