31.1 C
Elbasan

Situatë alarmante: 2 viktima dhe 72 raste të reja me Covid-19 në 24 orët e fundit

Gjatë 24 orëve të fundit në Shqipëri u shënuan dy viktima të tjera si pasojë e koronavirusit duke e çuar në 55 numrin total.

Ndërsa numri i rasteve është rritur me 72 duke e çuar numrin total të të infektuarve në 2,402.

Aktualisht numri i pacientëve të shtruar në spital është 81 ndërsa 12 janë në terapi intensive.

Të shëruar – Në 24 orët e fundit janë shëruar 38 qytetarë, duke e çuar në 1384 numrin e të shëruarve që nga fillimi i epidemisë.

Viktima – Dy qytetarë e kanë humbur betejën me Covid19 në 24 orët e fundit. Një 70 vjeçar nga Shkodra dhe një 54 vjeçar nga Tirana, të konfirmuar me Covid19, me disa sëmundje bashkëshoqëruese, kanë ndërruar jetë në spitalin infektiv, megjithë kujdesin e mjekëve dhe terapinë intensive.

Të shtruar – Vijon të ketë shtrime në spitalin infektiv ku aktualisht po trajtohen 77 pacientë, 15 prej tyre janë në terapi intensive, ndërsa 2 janë të intubuar.

Të infektuar – Kanë vijuar testimet në Laboratorin e Virologjisë në ISHP dhe gjatë 24 orëve të fundit janë kryer 374 testime për të dyshuar të prekur me Covid19, nga të cilat janë konfirmuar 72 raste pozitive.

Përhapja – Shpërndarja gjeografike e rasteve është si vijon: 19 të prekur në Tiranë, 9 në Krujë, nga 8 raste në Shkodër, Durrës, Pukë, nga 4 raste në Sarandë dhe Vlorë, nga 3 raste në Fier, Lushnje, 2 në Lezhë, dhe nga 1 rast në Korçë, Elbasan, Has, Kavajë.

Raste aktive – Në vendin tonë aktualisht janë 963 persona aktivë me COVID19, kryesisht në Tiranë, Shkodër, Durrës.

Të nderuar qytetarë, rastet ditore do të vazhdojnë të shfaqen në ndërmarrje biznesi, institucione, nëse ju nuk zbatoni rregullat e vendosura.

E vetmja mënyrë për të ndaluar përhapjen e infeksionit është duke ruajtur distancën fizike, duke vendosur maskën kur nuk ruani dot distancën, duke ruajtur higjienën personale, bizneset dhe institucionet duke respektuar protokollet e përcaktuara. Respektimi strikt i masave të vendosura do të ruajnë shëndetin tuaj dhe njërëzve tuaj të dashur.

Shkelja e rregullave nga kushdo do të konsiderohet rrezik për jetën dhe shëndetin e të tjerëve.

Ministria e Shëndetësisë dhe Mbrojtjes Sociale ju rikujton se për sa kohë nuk ka një vaksinë, qytetarët duhet të përshaten me normalitetin e ri dhe të përshtasin sjelljen e tyre duke u kujdesur për zbatimin strikt të çdo rregulli të vendosur.

Telefononi nëpërmjet linjës së gjelbër 0800 40 40 për këshillim psikologjik apo çdo informacion për Covid19.

Mos i neglizhoni shenjat e sëmundjes. Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga Covid19.

COVID-19 – Statistika (28 Qershor 2020)

Testime totale                         26292

Raste pozitive                          2402

Raste të shëruara                      1384

Raste Aktive                             963

Humbje jete                              55 (Qarku Tiranë 31, Durrës 9, Fier 5, Vlorë 2, Shkodër 6, Kukës 1, Elbasan 1)

Shpërndarja gjeografike e rasteve aktive sipas qarqeve:

Tiranë     371

Durrës     181

Shkodër     162

Vlorë     103

Fier         48

Lezhë     33

Korçë     26

Kukës     15

Elbasan     12

Gjirokastër 7

Berat      5

Lajme të tjera

Krim makabër në Turqi, 19-vjeçari vret të fejuarën që mbeti shtatzënë nga përdhunimi

Një krim makabër ka tronditur Turqinë. Një 18-vjeçare është qëlluar për vdekje me armë zjarri nga i fejuari i saj pasi ky i fundit...

Skandali mjedisor në Vjosë! Ngrihet ALARMI: PAMJE të frikshme, ngordhin gjallesat të zhytura në naftë

Parku Kombëtar i Vjosës po përballet me një skandal mjedisor, ku lumi i fundit i egër në Europë po kërcënohet seriozisht pasi është derdhur një...

Adriatik Lapaj paraqitet në SPAK

Kreu i Lëvizjes "Shqipëria Bëhet", Adriatik Lapaj, është paraqitur këtë të premte në Prokurrorinë e Posaçme Antikorrupsion. Mësohet se Lapaj është paraqitur në seancën e...

5 Ushqime Super të Shëndetshme që Duhet të Shtosh në Dietën Tënde

Ushqimi është burimi ynë kryesor i energjisë dhe vitalitetit. Duke shtuar këto 5 ushqime super të shëndetshme në dietën tuaj, do të ndiheni më...

Përse shtrenjtohen frutat? Shumica e fitimit i mbetet tregtarëve, fermerët shesin shumë më lirë në fushë

Çmimi i çdo prodhimi bujqësor nga ferma deri në tavolinë në vendin tonë dyfishohet Në fshatin Imësht të Lushnjës, dhe fruti i freskisë 105 km...

Nga Leonardo DiCaprio tek Ivanka Trump e Kim Kardashian/ Ja VIP-at që morën pjesë në dasmën madhështore të Jeff Bezos dhe Lauren Sanchez

Miliarderi Jeff Bezos dhe Lauren Sanchez kurorëzuan dashurinë e tyre në një dasmë madhështore prej tre ditësh në Venecia. Dasma filloi zyrtarisht me një darkë...