24.5 C
Elbasan

Spitalet covid në rrethe, Manastirliu: Jemi gati nëse plotësohen kapacitetet e spitaleve në Tiranë

Rritja e numrit të të infektuarve me kronavirus në Shqipëri duket se ka vënë në punë qeverinë për të shtuar kapacitetet mjekësore.

Duke folur nga Spitali i Fierit, ministrja Ogerta Manastirliu u shpreh se dhe spitalet rajonale do të përgatiten për shndërrimin e tyre në spitale COVID nëse do të përmbushen kapacitetet e 4 spitaleve aktuale.

“Ne kemi filluar tashmë dhe kemi bërë realitet forcimin e kapaciteteve të terapive intensive edhe në spitalet rajonale, në mënyrë që të fillojmë parapërgatitjet, që të mundemi të jemi gati edhe në rastet kur mund të kemi një rritje të numrit të pacientëve në spitalet tona, kur do të tejkalohet numri i 500 pacientëve të planifikuar për t’u trajtuar në 4 spitalet Covid, që janë të destinuara, sipas një plani të mirëstrukturuar dhe skenarëve që tashmë ne i kemi të planifikuar, edhe spitalet rajonale të mundet të trajtojnë rastet. Për këtë qëllim ne kemi vijuar pajisjen me setet e nevojshme të aparaturave, për urgjencën dhe reanimacionin, që përfshin monitorë të matjes së parametrave vitalë të pacientit, respiratorë apo aspiratorë, shiringa elektrike, EKG”, – tha Manastirliu.

Gjithashtu ajo u shpreh se qeveria shqiptare do të vijojë të investojë në spitalet rajonale ë mënyrë që të mos detyrohen të dërgojnë pacientë drejt Tiranës për mjekime më të specializuara.

“Ishte e pamenduar pak vite më parë, kur spitalet rajonale ishin veçse përcjellëse të pacientëve drejt Tiranës, të kryheshin procedurat delikate në zemër në këto spitale. Falë investimeve që qeveria shqiptare ka bërë, falë punë së jashtëzakonshme të ekipeve të mjekëve dhe të infermierëve, është bërë e mundur që spitalet rajonale të ofrojnë shumë më shumë shërbime afër vendbanimit. Kjo falë edhe investimeve që janë kryer në teknologji, por edhe për faktin se ka sot më shumë mjekë kanë përfunduar specializimet dhe janë atashuar pranë spitaleve rajonale për të ofruar këto shërbime kaq shumë të rëndësishmë, jetike për qytetarët”, – deklaroi ministrja.

Ministrja e Shëndetësisë nënvizoi se qeveria shqiptare do të vijojë me transformimin e sistemit shëndetësor dhe mbështetjen për mjekët dhe infermierët, nëpërmjet rritjes së pagave dhe përmirësimit të kushteve të punës.

“Mbështetja për mjekët dhe infermierët nuk do të mungojë. Ky është prioritet, ka qenë dhe mbetet prioritet i qeverisë shqiptare, për të vijuar mbështetjen maksimale qoftë nëpërmjet rritjes së pagave për mjekët dhe infermierët, qoftë nëpërmjet bonuseve, qoftë nëpërmjet mbështetjes për krijimin e kushteve më të mira të punës.”, tha Manastirliu.

Lajme të tjera

Ekstradohet Denis Bajri, pritet në Tiranë nga RENEA

Një tjetër i shumëkërkuar nga SPAK, është ekstraduar të mërkurën nga Dubai për t’u përballur me drejtësinë Shqiptare. Bëhet fjalë për  për Denis Bajroviç...

E rëndë/ Krujë, babai aksidenton për vdekje vajzën 4-vjeçare në ambientet e biznesit të tij

Një ngjarje e rëndë ka ndodhur ditën e sotme në zonën e Qerekës në Krujë, ku babai ka aksidentuar për vdekje vajzën e tij...

U zgjodh deputet i PSD/ “Fokusi tek rinia dhe punësimi”, Mula: Të punojmë bashkë për integrimin në BE

Komisioni Qendror i Zgjedhjeve (KQZ) zyrtarizoi sot mandatet për deputetët e Qarkut Tiranë, mes të cilëve edhe Tedi Mula, i zgjedhur përfaqësues i Partisë...

Aksident tragjik në Bulqizë, makina del nga rruga, dy të vdekur dhe një i plagosur

një aksident i rëndë rrugor ka ndodhur pasditen e sotme rreth orës 14:15 në zonën e njohur si “Antena”, në Qafë-Buall të Bulqizës. Sipas informacionit...

Mandati i koalicionit Shabani-Lapaj i takon…

Kreu i KQZ Ilirjan Celibashi bëri me dije se mandati i koalicionit “Nisma Shqipëria Bëhet” nga zgjedhjet e 11 majit i kalon Kleana Xhuvelit,...

Lëvizte me shpejtësi, humb kontrollin dhe makina përfundon në një lokal. Lëndohet pronarja dhe dy gra

Një automjet ështe përplasur me një lokal në hyrje të qytetit të Fushë Arrëzit gjatë mbrëmjes së sotme. Për pasojë është lënduar e zonja e...