Prej disa ditësh spitali “Shefqet Ndroqi”, është kthyer në normalitet. Pacienti i fundit me Covid-19, është larguar në 2 qershor, ndërsa në të tashmë janë duke u trajtuar pacientët e mushkërive.
Gerta Dilka, mjeke pneumologe në këtë spital, thotë se aktualisht janë 30 të shtruar, mes tyre shumë pak janë ata që kanë kaluar koronavirusin.
“Pothuajse të gjitha diagnozat pak a shumë të cilat përbëjnë indikacion për shtrim në spital, duke filluar nga pacientët me varsamente pleurave, pacientët me pneunomi. Në pavionin tonë ndodhet vetëm një rast që është me pneunomi, por që ka kaluar Covid-19, në shkurt. Aktualisht në spitalin tonë janë vetëm 30 pacientë.”
Megjithëse i është kthyer normalitetit, në spitalin ‘Shefqet Ndroqi’, për shkak të pandemisë, ende nuk lejohen familjarët në ambientet e brendshme.
Mungesa e tyre, duket sikur ua bën më të lehtë punën bluzave të bardha.
“Si në kohë pandemia, rregullat do të vazhdojnë të jenë njëlloj. Familjarët e pacientëve, nuk do të lejohen të futen në pavion, dhe sendet e pacientëve do të futen nga vetë stafi.”.
Gjatë periudhës së pandemisë sanatoriumi , ka funksionuar gati me dyfishin e kapaciteteve normale, ndërsa sot përballet me ritme të pakta pune, por pa neglizhuar kujdesin ndaj pacientëve.
ora news
