Mjeku epidemiolog, Ilir Alimehmeti ka ngritur alarmin pas qarkullimit të lajmeve se mund të krijohet imuniteti i tufës dhe duke u vaksinuar me një dozë.
Alimehmeti sqaron se nëse qytetarët do të marrin vetëm një dozë jo vetëm që nuk do të jenë plotësisht të mbrojtur nga Covid-19, por do të jenë rrezik për krijimin e varianteve të reja të koronavirusit që nuk do të jenë efektive ndaj vaksinave.
Alimehmeti hedh poshtë dhe deklaratat e Fauccit dhe Johnson të cilët e kanë deklaruar si mundësi vaksinimin e qytetarëve me vetëm një dozë pasi kompanitë farmaceutike kanë ngadalësuar prodhimin e vaksinave.
Epidemiologu thekson se është shumë e rëndësishme që qytetarët të marrin të dyja dozat e vaksinave pasi kjo është e vetmja mënyrë që të arrihet imuniteti i tufës.
Postimi i plotë:
Miqte e mi, kujdes nga paçavuret mediatike/politike, qofshin keto te mbeshtetura nga kushdo, qofte edhe nga mbiemra te rendesishem si Faucci apo Johnson.
Informacion per pasojat qe mund te sjellin fushatat e vaksinimit jashte protokollit, pra me vetem nje doze vaksine!
Shkeputur nga teksti:
Jane hedhur mendime se, duke qene se COVID-19 eshte semundje kaq serioze, po perhapet kaq shpejt ne bote dhe ngaqe vaksinat po prodhohen dhe shperndahen shume ngadale, duhet te jepet nje doze e pare dhe te vonohet dhenia e dozes se dyte derisa nje pjese e madhe e popullates te kete marre dozen e pare.
Dihet qe pergjigja imunitare ndaj 1 doze vaksine eshte relativisht e dobet, edhe pse personat qe kane marre dozen e pare kane njefare mbrojtje ndaj infeksionit simptomatik COVID-19.
Por, nuk dihet cfare ndodh nese njerezit marrin nje doze te vetme.
Eshte e mundur qe ata qe marrin vetem 1 doze do te fitojne imunitet vetem te pjesshem ndaj COVID-19, duke krijuar nje risk me te larte per t’u krijuar variante te reja te SARS-CoV-2 qe jane rezistente ndaj vaksines.
Gjithashtu ka edhe shqetesime se njerezit qe kane marre vetem 1 doze do te mendojne se kane mbrojtje te mjaftueshme kunder infeksionit COVID-19 dhe nuk do ta marrin dozen e dyte.
Nuk ka asnje prove qe personat qe marrin vetem 1 doze te kene mbrojtje afatgjate kunder infeksionit COVID-19.
Fax web
