Edhe për vitin 2020 sëmundjet e enëve të gjakut janë shkaktari kryesor i vdekjeve në Shqipëri.
Por ndërkohë mjekët thonë se po vihet re që këto shqetësime shëndetësore nuk janë më vetëm te moshat e mëdha por edhe te të rinjtë.
Problemet te kjo grupmoshë shfaqen kryesisht që nga lindja, të cilat nëse nuk evidentohen në fillim me kalimin e viteve agravohen, thotë kardiologu Andri Çabeli.
“Kur flasim për sëmundjet e zemrës në moshat e reja kryesisht ne nënkuptojmë një numër sëmundjesh të cilat ne i etiketojmë të lindura, që do të thotë se ato vijnë në që lindjen e individit. Ato shpesh herë mund të ngelen të padiagnostikuara për shumë vite fjala vjen defektet e mureve të zemrës, vrimat në zemër që quhen ndonjëherë diagnostikohen në mosha shumë madhore, pavarësisht se ato mund të dëmtojnë funksionin e zemrës pa e kuptuar. Simptomalogjia klinike shfaqet ën një moshë goxha të avancuar,” tha Çabeli.
Koronavirusi veç mushkërive, duket se dëmton shumë edhe zemrën, kohët e fundit është raportuar se problemet kardiovaskulare janë shfaqur për herë të parë te pacientë që sapo kanë kaluar covidin.
“Kemi pacientë të cilët i ndiqnim prej kohësh për hipertension arterial ët cilët vijnë dhe thonë pas kalimit të sëmundjes kam vlera të larta tensioni, vlera të çekuilibruara. Kjo është gjëja më e thjeshtë, por një pjesë e pacientëve kanë pasur dhe dëmtime të muskulit kardiak si pasojë e Covid,” tha Çabeli.
Sipas INSTAT Në vitin 2020, vdekjet nga grup-sëmundja “Aparati i qarkullimit të gjakut” zënë 52,2 % të vdekjeve gjithsej. Krahasuar me vitin paraardhës, kjo grup-sëmundje ka shënuar një rritje prej 23,2 %.
Në grup-sëmundjen “Sëmundje të aparatit të qarkullimit të gjakut”, përqindjen më të lartë e zë vdekshmëria nga “sëmundjet kronike të zemrës” me 33,1 %, “sëmundjet e enëve të trurit” me 26,4 % e ndjekur më pas nga “sëmundjet ishemike të zemrës”
ora tv
