Hidhet një pacient nga kati i dyti i Spitalit Infektiv.
Ngjarja e rëndë u regjistrua pak minuta më parë, ndërsa informacionet paraprake thonë se pacienti në fjalë ka ndërruar jetë, edhe pse lajmi nuk është konfirmuar ende zyrartisht.
Ai kishte një javë që ishte shtruar në Infektiv pas infektimit me Covid-19.
Njoftimi i Policisë:
Më datë 10.11.2020, rreth orës 12:30, dyshohet se është vetëhedhur nga lartësia e një spitali shtetasi R.B., 69 vjeç, i cili ndodhet në spital, nën kujdesin e mjekëve.
Grupi hetimor dhe sherbimet e Policisë ndodhen në vendngjarje dhe vijojnë punën për zbardhjen e rrethanave të ngjarjes.
Më 2 nëntor, një tjetër pacient me Covid, këtë herë te “Shefqet Ndroqi” u vetëvra duke u hedhur nga kati i katërt i Sanatoriumit.
Ndërsa dy javë më herët, po te “Shefqet Ndroqi”, një 29-vjeçar i dha fund jetës duke u vetëflijuar.
Ky është rasti i katërt i hedhjes nga lartësia të personave të infektuar në spitalet Covid.
Përveç dy të sëmurëve te “Shefqet Ndroqi”, një tjetër u hodh nga banesa e tij në Tiranë.
ora news
