21.4 C
Elbasan

Tërmeti dëmtoi edhe shkollat, Boçi nga Rrogozhina: Nuk po rindërtohen, qeveria s’e ka prioritet arsimin

Duke folur nga rrënojat e një shkolle në Rrogozhinë, ish-deputeti i Partisë Demokratike Luçiano Boçi ka deklaruar se kjo qeveri nuk e ka prioritet arsimin.

Edhe pse u premtua që shkollat e dëmtuara nga tërmeti do të ishin gati në shtator, u shpreh ish deputeti i PD, një gjë e tillë nuk ka ndodhur.

Kjo sipas tij, nuk ka ndodhur në Kryevidh, sikur se nuk ka ndodhur në Durrës, në Thumanë “dhe kudo ku ka pasur shkolla të dëmtuara.”

Më tej Boçi denoncon se nxënësit e shkollës në Kryevidh bëjnë 10 kilometra për të mbërritur në shkollën tjetër që në gjendje të keqe sa ç’ka qenë shkolla e Kryevidhit në vendin e të cilës sot janë vetëm rrënojat.

Dhe madje, shton ai, kjo qeverisje nuk ka fare plan transportin e tyre . Banorët thonë se e kanë përballuar vetë ata dërgimin e fëmijëve në shkollën që është 10 kilometra larg.

Fjala e plotë e Boçit:

Jemi në fshatin Kryevidh me banorët, në vendin e shkollës 9-vjeçare që siç e shihni ka vetëm rrënoja. Rama premtoi se shkollat e dëmtuara nga tërmeti do të jenë gati në shtator, por një gjë e tillë nuk ka ndodhur.

Nuk ka ndodhur këtu në Kryevidh, bashkia Rrogozhinë, sikur se nuk ka ndodhur në Durrës, në Thumanë dhe kudo ku ka pasur shkolla të dëmtuara. Kjo nuk ka ngjarë sepse kjo qeverisje nuk e ka në vëmendje arsimin, nuk e ka prioritet arsimin.

Rrogozhina është futur në zonat e prekura nga tërmeti dhe në programin e rindërtimit, por shkollat e kësaj bashkie janë të pa ndërtuara dhe nuk janë gati. Nga 4 të tilla, nga të dhënat vetëm në njërën ka filluar ndërtimi por nuk ka përfunduar.

E keqja më e madhe është që nxënësit e kësaj shkolle bëjnë 10 kilometra për të mbërritur në shkollën tjetër që në gjendje të keqe sa ç’ka qenë shkolla e Kryevidhit në vendin e të cilës sot janë vetëm rrënojat. Dhe madje kjo qeverisje nuk ka fare plan transportin e tyre . Banorët thonë se e kanë përballuar vetë ata dërgimin e fëmijëve në shkollën që është 10 kilometra larg.

Edhe sivjet në kushtet e pandemisë COVID-19 nuk ka një plan masash për transportin e fëmijëve, për transportin e mësuesve dhe për ti ardhur në ndihmë me paketa financiare këtyre fëmijëve me familje në gjendje jo të mirë ekonomike për të përballuar rregullat e protokollit të sigurisë nga coronavirusi.

Për pos kësaj, shkollat pritëse këtu në Rrogozhinë sikurse në të gjithë Shqipërinë, kanë problemet e degradimit fizik, problemet e kushteve higjeno-sanitare, problemet e klasave sepse nuk ka klasa. Nxënësit duhet të shkojnë në turnin e dytë dhe nuk do kenë asgjë, as klasën e tyre të personalizuar, as bankën e personalizuar dhe as mjetet mësimore.

Në këto rrethana, bashkë me problemet e tjera që kanë shkollat në rrogozhinë dhe kudo në Shqipëri, me personelin mësimor të reduktuar, me çështjet e tjera që lidhen me sigurinë, me çështjen e klasave kolektive, me çështjen e kasoit që ekziston në arsimin e Rrogozhinës dhe kudo nuk mund të flitet për protokolle sigurie pasi mungojnë këto masa të domosdoshme.

Kjo qeverisje nuk ka në kujdes as sigurinë e fëmijëve tanë nga COVID-19 dhe as dhënien për ta të një dije me themel që do ti shërbejë nesër në sfidat e së ardhmes.
Ky është fakti.

Kjo është e vërteta siç e shihni vet.
Kjo është gjendja e arsimit realisht.
Ju e prekni dhe ky arsim është i rrënuar dhe është i rrëzuar në tokë.

Përtej fjalëve boshe, përtej mashtrimit, përtej propagandës, kjo është pamja e vërtetë e këtij kryeministri dhe e kësaj qeverie.

Lajme të tjera

Dy trupa të pajetë u gjetën në një park të Romës, del autopsia: Viktimat, nënë e bijë! Misteri i vrasjes së gruas 40-vjeçare dhe...

Autoritetet italiane janë në kërkim të një burri që, sipas dëshmitarëve, është parë disa orë para zbulimit të trupave duke lëvizur në park me...

Tifozi bie nga tribuna e stadiumit gjatë ndeshjes Portugali-Spanjë dhe ndërron jetë

Një ngjarje tragjike ka ndodhur gjatë finales së Ligës së Kombeve mes Portugalisë dhe Spanjës, e zhvilluar në Allianz Arena të Mynihut. Një spektator ka...

Pesë Ushqimet që Mund të Hani Gjatë Gjithë Kohës pa u Shëndoshur

Nëse ushqehesh keq është e pamundur të largosh kilogramët e tepërt vetëm nëpërmjet aktivitetit fizik. Kur vjen puna tek rënia nga pesha, ushqimet që hani...

Rita Ora ndez skenën në ‘World Club Dome’

Këngëtarja me origjinë shqiptare, Rita Ora, tërhoqi vëmendjen me një paraqitje tejet provokuese gjatë koncertit të saj në World Club Dome Festival, të shtunën...

Iggy Azalea feston 35-vjetorin me poza provokuese

Reperja e njohur australiane, Iggy Azalea, feston sot ditëlindjen e saj të 35-të. Në këtë ditë të veçantë, ajo ka ndarë me ndjekësit në Instagram...

Përse duhet të hani qershi para gjumit? Zbuloni ndikimin që kanë në organizëm

Nuk ka njeri që të mos jetë i marrosur pas qershive. Është e pamundur të mos hutohesh nga larmia e nuancave të të kuqes...