Kryeministri Edi Rama reagon në Twitter lidhur me tërmetin e fuqishëm që tronditi sot Kroacinë.
Sipas shefit të qeverisë, Shqipëria i ndodhet pranë me zemër Kroacisë, ndërsa paralajmëron një ndihmë modeste nga ana e qeverisë shqiptare.
“U kam përcjellë sot shprehjen e solidaritetit vëllazëror Presidentit Milanoviç&Kryeministrit Plenkoviç, për fatkeqësinë mbi qytetin Petrinja! Shqipëria i është pranë me zemër Kroacisë mike e do të japë ndihmën e saj modeste për shërimin e plagës së hapur nga tërmeti i forte”, shkruan Rama.
Tërmeti me magnitudë 6.4 të shkallës rihter ka lënë pas deri tani të paktën 5 viktima.
/a.r,OraNews
