Një person i plagosur në rrethana të panjohura ende ka kërkuar trajtim mjekësor në një nga spitalet e Tiranës. Ai është 31 vjeç dhe deklaroi se e kishin plagosur në këmbë me armë nga një person që nuk është identifikuar ende.
Policia tha se “më datë 2.11.2020, rreth orës 23:05, është njoftuar Salla Operative se në spital është paraqitur shtetasi L.H., 31 vjeç, i dëmtuar në këmbë, jashtë rrezikut për jetën.
31-vjeçari ka kallzuar se në rrugën “Don Bosko”, është plagosur me armë zjarri në këmbë nga një person ende i paidentifikuar.
Grupi hetimor vijon punën për sekuestrimin e çdo prove të mundshme që do çojë në identifikimin dhe kapjen e autorit si dhe sqarimin e plotë të rrethanave të ngjarjes.”
© SYRI.net
