Gjykata italiane ka marrë vendimin për krerët shqiptarë të grupit të prostitucionit që u kapën në vitin 2013. Edmond Gjini, një 40-vjeçar shqiptar, 23-vjeçari italian Riccardo Ruggitiello dhe 30-vjeçari rumun Giorgianna Caprau po përballen me akuzat e drejtësisë italiane janë dënuar me burg pasi akuzohen se kishin prostituuar 20 vajza të reja në rrugët e Italisë.
Eduard Gjini është dënuar nga Gjykata me 4 vite heqje lirie së bashku me vëllanë e tij Edmondin, ndërsa Petrit Gjini dhe rumuni Simona Mirabela Dragan janë dënuar me 5 vite e katër muaj heqje lirie. Ndërkohë që për momentin në bankën e të akuzuarve ndodhet i riu italian dhe një 30-vjeçar rumun, të cilët nuk kanë marrë ende dënimet e tyre.
Por si zhvillohej aktiviteti i tyre?
Nga hetimet e bëra rezultoi se grupi ishte në gjendje të menaxhonte të paktën 20 prostituta që shisnin trupat e tyre përgjatë Pontebbana dhe Terraglios. Secila prej vajzave paguante një “qira” për vendin ku edhe qëndronte, e cila përllogaritej 250 eurosh në javë. Në këmbim, “vajzat e natës” merrnin mbrojtje nga organizata për të ushtruar “profesionin e tyre”.
Eduard, Petrit dhe kushëriri i tyre Gjovalin Gjini kishin për detyrë të veçantë të garantonin rendin dhe mbrojtjen në rast se vajzat sulmoheshin nga klientët apo nga grupe të tjera. “Xhiron e ditës” e fitonte njëvajzë rumune, Dragan Simona Mirabela, e dashura e vëllait tjetër të familjes Gjini, Antonit, dhe dy italianët, Riccardo Ruggitello dhe Daniele Mastrella.
(k.m/i.A/dosja.al)
