Numri i aksidenteve rrugore në muajin korrik të këtij viti, shënoi rënie, krahasuar me të njëjtën periudhë të vitit 2020.
Sipas raportit të publikuar sot nga INSTAT, në muajin korrik 2021 numërohen 114 aksidente rrugore nga 130 aksidente të ndodhura në muajin korrik 2020, duke u ulur me 12,3 %, krahasuar me të njëjtën periudhë të vitit të kaluar.
Në muajin korrik 2021, numri i të vdekurve nga aksidentet rrugore është 13 persona nga 14 persona të vdekur në korrik 2020.
Referuar të dhënave në shtatëmujorin e 2021, numri i të vdekurve nga aksidentet rrugore është 118 persona nga 88 persona të vdekur në të njëjtën periudhë të një viti më parë.
INSTAT njofton se, në muajin korrik 2021, aksidentet rrugore, në 95,6 % të rasteve, kanë ndodhur si pasojë e sjelljes së drejtuesit të mjetit.
atsh
