Në portin e Durrësit kanë zbritur një numër të madh mjetesh dhe teknologjie ushtarake amerikane në kuadër të stërvitjes së NATO-s.
Sipas zyrtarëve ky është përqendrimi më i madh ushtarak nuk ishte parë që prej Luftës së Dytë Botërore.
Konkretisht janë rreth 700 mjete dhe pajisje të tjera ushtarake nga Brigada e 53 e Floridas që u shkarkuan në Durrës gjatë ditëve të fundit.
Këto mjete dhe pajisje do të përdorën për stërvitjen e madhe ushtarake të NATO-s “Defender-Europe 21”.
Ka qenë media e njohur ndërkombëtare AP ajo që ka publikuar foto nga zbarkimi i këtyre mjeteve në portin e Durrësit.
“Shqipëria është një partner i vlerësuar. Ushtarakët tanë përfitojnë duke u stërvitur së bashku, duke rritur ndërveprimin, duke ndërtuar gatishmërinë e operacionit dhe duke forcuar marrëdhëniet – të gjitha këto mundësojnë aftësinë tonë për t’iu përgjigjur çdo krize, në çdo kohë, së bashku me aleatët dhe partnerët tanë,” – shprehet Tammy Muckenfuss, i Ushtrisë Amerikane për Evropën dhe Afrikën.
“Defender-Europe 21” këtë vit përfshin rreth 28 000 forca amerikane, aleate dhe partnere nga 27 kombe për të kryer operacione të njëkohshme në më shumë se 30 zona trajnimi në 12 shtete nga Balltiku dhe Afrika në Detin e Zi dhe Ballkani.
Shqipëria si një anëtare e NATO-s që nga viti 2009, do të angazhojë 1000 trupa në atë që ministri i Mbrojtjes Niko Peleshi e quajti një ngjarje historike sepse është stërvitja më e madhe në Shqipëri dhe rajon./ AP
