Kryeministri Edi Rama deklaron se të hënën Pfizer do të nisë furnizimin me vaksinë nga kompania Pfizer.
“Kemi marrë konfirmimin që do të nisë furnizimi nga Pfizer të hënën. Shpresojmë të mos marrim një njoftim tjetër por mesaduket është konfirmim. Do të nisim me sasi më të vogël se e premtuara por sasitë do të vijnë duke u rritur shpejt” u shpreh Rama në një takim me qytetarët në Korçë.
Rama tha se me Pfizer është arritur të firmoset një kontratë e drejtëpërdrejtë për 500 mijë doza të rinovueshme.
“Më vjen mirë që ia dolëm të dalim nga rrethimi ku u gjendëm pa dëshirën dhe jo për fajin tonë, së bashku me vendet e tjera të Ballkanit Perëndimor që u lanë jashtë skemës së shpërndarjes së vaksinave nga BE dhe arritëm të kemi një kontratë me Pfizer të drejtëpërdrejtë në rrugë bilateral pa pritur që të vijnë vaksinat nga platforma e Covax për të cilën kemi parapaguar qysh vitin e kaluar mbi 4 milionë dollar e nuk dihet kur do të nisë, edhe pse thonë se do të nisë në shkurt.“
Ndërsa shtoi “jemi afër dozës së dytë për ata që e kanë marrë, dhe në momentin që nis furnizimi do e shtrijmë shumë shpejt”
Ora tv
