Kryeministri Edi Rama në konferencën e fundvitit me gazetarët u shpreh se vaksinimi i shqiptarëve për Covid 19 pritet të nisë brenda janarit. Rama tha se vaksinimi do të bëhet siç bëhet në shtetet e tjera duke renditur shtresat që do e marrin të parat vaksinën.
“Jemi në përpjeke intensive për vaksinën. Ne jemi të bindur që do të fillojmë vaksinimin pa pritur që të kalojmë ose të kalojë ky ngërç që ka kapur të gjitha shtetet. Do e fillojmë vaksinimin brenda janarit dhe unë kam tendencë të besoj që në mes te janarit ne do të jemi në gjendje të fillojmë vaksinimin duke bërë të njëjtën gjë që bëjnë të gjithë.
“Do e nisim me infermierët mjekët dhe pastaj duke u shtrirë në shtresat e tjera vulnerabël mësuesit, policët, dhe sigurisht ata që janë më të moshuarit.” tha Rama
Ai tha se shteti shqiptar është në diskutime dhe me kompanitë e vaksinave të tjera Astra Zeneca dhe me Moderna
“Jemi në diskutime edhe me Astra Zeneca dhe me Moderna dhe besoj që shumë shpejt do të finalizojmë dhe marrëveshjen me Phozerin sigurisht me kapacitet që janë në shtete te ndryshme.”
Rama tha se situata e përgjithshme e shteteve të BE është në një ngërç përsa i përket ofertë kërkesës për vaksinën. Për të treguar vështirësinë që po kalojnë të gjitha shtetet Rama bëri krahasimin me Italinë duke thënë se ka marrë vetëm 9 mijë 700 doza të vaksinës
Ora news
