Qindra shqiptarë dolën në rrugët e Londrës me makina luksoze gjatë natës për të festuar ditën e pavarësisë së vendit të tyre, shkruan Daily Mail.
Videot e shpërndara në rrjet tregojnë Audit, Range Rovers dhe Porsche 4×4 që të gjithë ndalojnë rreth Westminsterit ndërsa oficerët e Policisë Metropolitane përpiqen të lëvizin automjetet.
Burra dhe gra shihen duke valëvitur flamurin shqiptar ndërsa varen nga xhamat e makinave të tyre duke përfshirë një Lamborghini Huracan ngjyrë vjollcë dhe një Mercedes G klas, të cilat kushtojnë përkatësisht rreth 120,000 dhe 160,000 £.
Diku tjetër, makinat xhironin gomat ndërsa vajzat kishin veshur veshje tradicionale dhe kërcenin në rrugë, shkruan Daily Mail.
Fishekzjarret plasnin ndërsa vargu i gjatë i automjeteve u binin vazhdimisht borive për të festuar pavarësinë e Shqipërisë, e cila përkujtohet çdo vit më 28 nëntor.
Megjithatë imazhet ndezën zemërim te shoferët, me disa që i cilësuan festimet si ‘egoiste’.
Një përdorues i Twitter tha: ‘Shqiptarët në Londër që festonin Ditën e Pavarësisë, bllokuan me egoizëm sheshin Strand dhe Trafalgar, ndërsa njerëzit dilnin nga teatrot.
