Brigjet e Egjeut do të mbeten në kushte të paqëndrueshme atmosferike si pasojë e ciklonit që ka prekur brigjet detare të Greqisë. Po ashtu Europa Jugperëndimore dhe Lindore do të jenë me vranësira dhe reshje shiu. Pjesa tjetër e Europës paraqitet në kushte të qëndrueshme atmosferike.
Sipas MeteoAlb, vendi ynë këtë të premte do të paraqitet me kthjellime dhe vranësira të lehta në zonat bregdetare dhe në zonën e ulët. Ndërsa në zonat malore, vranësirat e shpeshta do të krijojnë mundësi për reshje të pakta dhe të izoluara.
Temperaturat e ajrit do të ulen në mëngjes, por do të rriten në mesditë duke luhatur vlerat ditore nga 12°C deri në 34°C.
Era do fryjë mesatare në tokë dhe e fortë në det me shpejtësi 55 km/h nga drejtimi verilindor duke krijuar dallgëzim 5 ballë.
Ora tv
