Ministrja e Shëndetësisë Ogerta Manastirliu ka konfirmuar që në vendin tonë qarkullon mutacioni britanik.
“Komiteti teknik vlerëson se vijojmë të mbetemi në situatë delikate edhe pse ka tendencë ulje të qëndrueshme.
Mesatarja ditore ka rënë tek 819 nga mbi 900 që kanë qenë. Rastet aktive kanë pësuar një ulje të lehtë por që duhet të vijojë të monitorohet.
Dyshimet e arsyeshme që ekspertët hapën në momentet që pati rritje të infektimeve, të transmetueshëmrisë. Tashmë është e konfirmuar nga detektimi në laborator që Shqipëria ka në qarkullim edhe mutacionin e ri britanik të Covid-19”, njofton Manastirliu.
Shefja e ISHP-se Silva Bino deklaroi se ky mutacion shton transmetueshmërinë e virusit dhe përhapjen e tij
“Në Shqipëri janë identifkuar mutacione të Sars Cov 2 . janë analizuar në mostra që kanë pasur një dyshim epidemiologjik. Janë persona që kanë pasur kontakt me personat që ku është evidentuar mutacioni apo kanë qenë persona që kanë udhëtuar jashtë shteti, kanë ardhur në Shqipëri apo kanë qenë të reinfektuar, dhe persona që kanë ardhur nga survejanca e sëmundjeve të rënda respitatore, pra shtrime në të gjitha spitalet e vendit. Këto janë 70 % të mostrave që kemi ekzaminuar ka rezultuar mutacioni B117 që i përket variantit britanik. Ky mutacion shton transmetueshmërinë e virusit dhe përhapjen e tij”
Ora news
