Dega e PD-së së Elbasanit ka qenë sot në zyrën e kryetarit të Këshillit Kombëtar Edi Paloka në PD, ku ka bërë dhe saktësimet e fundit në lidhje me emrat e delegatëve që kanë firmosur pro thirrjes së Kuvendit Kombëtar në 11 Dhjetor.
Janë 272 delegatë që kanë firmosur pro thirrjes së Kuvendit, emrat e të cilëve janë bërë publikë, në emër të transperencës.
Bërjen publike të emrave e kanë bërë më herët dhe degë të tjera të PD-së, në kuadër të shuarjes së dyshimeve sa i takon akuzave për falsifikimin e firmave të delegatëve.
“Të gjitha kanë firmosur me bindje të plotë për të ndryshuar rrjedhën e Partisë Demokratike 272 nga 409, 67% e delegatëve të Elbasanit do të jenë në Kuvendin e PD-së në datën 11 dhjetor”, u shpreh sekretari i degës së PD-së në Elbasan.
