18.2 C
Elbasan

Aksioni “Blic” në mesnatë i Rrumbullakut për kapjen e të kërkuarve mbyllet me dështim, në pranga vetëm Sali Zeneli

Përmes një aksioni “Blic” të zhvilluar mesnatën e djeshme, Policia e Shtetit synonte të kapte në befasi dhe arrestonte disa prej emrave të njohur të botës së krimit në vend, që rezultojnë të jenë shpallur në kërkim me vendim gjykate.

Ora News mëson se kontrollet policore mbi dhjetëra banesa në qytetet si Vlorë, Shkodër, Tiranë, Fushë-Krujë, Kurbin, Durrës, Elbasan dhe Cërrik, nuk janë mbështetur në një vendim gjykate konkrete, por gjithçka është bazuar në një urdhër të sigluar sekret.

Urdhri për aktivizimin në teren të grupeve të reparteve speciale si RENEA dhe FNSH, është dhënë nga Drejtori i Përgjithshëm i Policisë së Shtetit, Muhamet Rrumbullaku, i cili kërkonte nga Policia Kriminale dhe dy repartet Speciale të kryhej brenda natës së djeshme kontrolli i disa banesave.

Qëllimi ka qenë kapja e elementëve kriminalë të shpallur në kërkim nga SPAK gjatë operacionit “Golden Bullid” por jo vetëm.

Pasi forcat RENEA dhe FNSH, mesnatën e djeshme kanë kryer kontrolle në disa banesa, ku dyshohet se fshiheshin Duel Mehmedaj, Astmer Bilali dhe Bajram Çekorja, të gjithë të shpallur në kërkim për vrasje. Por nga kontrolli i shtëpive nuk është arritur të gjendet asnjë nga personat e kërkuar.

Njëherësh kontrolle policia ka ushtruar në disa banesa në zonën e Kurbinit dhe Fushë-Krujës, me shpresën e gjetjes së gjurmëve të Ervin Merlikës, Ervis Martinaj dhe personave të tjerë të botës së krimit, por pa rezultat.

Ora News mëson se disa kontrolle banesash janë kryer edhe për arrestimin e Festim Qolit në qytetin e Durrësit dhe personit tjetër të shpallur në kërkim, Lulzim Berisha, Alban Bengasit, Kevin Suçit, Agron Bejdolli, Aleksandër Laho ose “Rrumi i Shijakut” dhe Alban Skonja.

Të gjitha kontrollet e kryera në Durrës, nuk kanë qenë produktive për policinë.

Gjithashtu kontrolle në disa shtëpi RENEA dhe FNSH-ja, i ka kryer në mesnatë në Elbasan dhe Çërrik.

Me shpresën për kapjen e Kamer Mehjas, Abedin Mama (Dine Çami), Suel Çelës, Talo Çelës dhe personave të tjerë të shpallur në kërkim në Elbasan, policia ka ushtruar kontrolle në banesat dhe disa baza të tyre, por pa rezultat.

Asnjë nga objektivat e policisë nuk është gjendur qoftë në banesat e tyre dhe qoftë në shtëpitë e tjera, ku mendohej se ata fshiheshin.

I vetmi qytet ku policia dhe grupet e FNSH, kanë dalë me arrestim ka qenë Vlora. Pikërisht në këtë qytet, është arrestuar në banesën e tij, Sali Zeneli, personazh i shpallur në kërkim pasi është dënuar me 6 vite burgim për ngjarjen e ndodhur në 3 mars 2021, ku në rrugën “Transballkanike” mbeti i vrarë kushëriri i tij, Taulant Manaj.

Zeneli kishte vetëm dy ditë që kishte mbërritur në banesën e tij, pasi prej gati 1 viti qëndronte i fshehur mes Tiranës dhe Sarandës.

“Ora News”

Lajme të tjera

Familja e Nuredin Dumanit merr azil jashtë Shqipërisë, por SPAK heq nga mbrojtja vëllain e vogël!

Fitim Dumani, vëllai i vogël i vrasësit me pagesë Nuredin Dumani, përjashtohet nga programi i mbrojtjes së dëshmitarëve. Në rrëfimin tronditës dhe ekskluziv dhënë...

Aksidenti tragjik sot në Vorë, viktimë mbeti pronari i “Auto Ajazi”! Kush është dibrani me Audin e veçantë S8 në rrugët e Shqipërisë (FOTO)

Flobert Ajazi, pronari 35 vjeçar i "Auto Ajazi" ka ndërruar jetë mëngjesin e kësaj të premte në Dalje të Vorës, pasi është përfshirë në...

GJKKO liron nga qelia ish-gjyqtaren Pajtime Fetahu

Ish-gjyqtarja e Elbasanit, Pajtime Fetahu është liruar nga qelia. Gjykata e Posaçme (GJKKO) ka ndryshuar masën e sigurisë nga “arrest në burg” në “arrest në shtëpi”...

Kjo është vila dykatëshe me palma e Xhelal Mziut, sot i vendosën tritol! E deklaruar me vlerë 57 milionë lekë të vjetra

Familja e politikanit demokrat Xhelal Mziu është tronditur në orët e para të mëngjesit të kësaj të premte, në zonën e Institutit, kur në...

Kreu mardhënie me një të mitur,arrestohet 37-vjeçari në Elbasan

Drejtoria Vendore e Policisë Elbasan Specialistët për Hetimin e Krimeve të Komisariatit të Policisë Cërrik: -ekzekutuan urdhrin e prokurorit, për ndalimin e shtetasit S. B., 37...

Aksident në unazën e Fierit, ‘Mercedesi’ përplas biçikletën, një i lënduar

Një aksident rrugor ka ndodhur mengjesin e sotem në unazën e qytetit të Fierit, në segmentin “Nuredin Aliu”, pranë nënstacionit elektrik.Një automjet tip “Mercedes”...