I pyetur se a ka pasur një kërkesë nga deputeti Erion Braçe për lënien e mandatit, kryeministri i vendit Edi Rama nuk e ka pohuar një gjë të tillë.
Në
postimin e djeshëm në Facebook, deputeti socialist hidhte akuza ndaj kreut të grupit parlamentar të PS-së Taulant Balla për amendamentin që lidhet me bujqit, dhe po ashtu la të kuptohej se ka shkuar në pikën kur i duhet një “punë e re”.
Ai e cilësoi urdhrin e Ballës për të votuar kundër këtij amendamenti që mbron bujkun në raport me tregtarin, një akt që reflekton padituri, ligësi dhe smirë.
“Braçe është institucion më vete dhe mund të thojë çfarë t’i dojë e bardha e zemrës, për të tjerat pastaj, ua thashë dhe kolegëve të tu, sigurohu të hash një lugë mjalt para se të flasësh për Braçen”.
“Fax News”
