Meteorologia Lajda Porja e ftuar mëngjesin e sotëm në emisionin “Ditë e Re” në RTV Ora tregoi se si do të jetë parahikimi i motit për ditët në vijim.
Kjo e hënë për të gjithë ka nisur me reshje shiu dhe temperatura të ulëta, reshje të cilat sipas meteorologes pritet të na shqoërojnë për gjatë gjithë ditëve në vijim.
Në zonat veriore dhe verilindore Porja tregon se nuk do të mungojnë as reshjet e borës gjë e cila do të sjellë dhe temperatura nën zero.
“Të gjitha reshjet që kanë rënë gjatë mbrëmjes së djeshme kanë qenë me intesitet mesatare dhe lokalisht intesive. Kjo javë e muajit Mars nuk premton diell, deri ditën e enjte do të kemi mot me vranësira. Reshje shiu dhe bore në zonat veriore dhe verilindore duke filluar që nga dita e nesërme. Megjithatë, reshjet do të jenë me sasi të pakta. Temperaturat duke filluar nga nesër do të ketë rënie në vlerat minimale duke bërë që temperaturat në zonat maloretë shkojnë -4,-5 gradë celsius. Temperaturat nuk pritet të shkojnë më shumë se 14 gradë celsius.“- thotë ajo.
Në fundjavë pritet të kemi një përmirësim të kushteve të motit ku vlerat termike do të arrijnë deri në 18 gradë celsius dhe vetëm pas datës 21 moti me reshje do ti lerë vend diellit.
Ora news
