24.1 C
Elbasan

Doli e tha s’më kanë rrahur, dosja për Rezart Veleshnjën. U dhunua për një parkim me shoferin e një pastiçerie

Rezart Veleshnja, një nga aktorët e programit televiziv “Portokalli” është rrahur me grushte dhe sende të forta me një persona tjetër, i cili rezulton të jetë punonjës pranë pastiçeri “Nefeli“ në Tiranë.

Pak ditë më parë, në 30 nëntor 2022 përmes rrjeteve sociale aktori Veleshnja, hodhi poshtë zërat për ndodhinë e një konflikti të mundshëm mes tij dhe personave të tjerë në Tiranë.

Por realiteti dhe materialet e dërguara nga komisariati nr. 1 në drejtim të prokurorisë së Tiranës, tregojnë të kundërtën. Pak kohë më parë në akuzën e kryeqytetit ka mbërritur një material hetimor, që flet për një konflikt verbal dhe më pas fizik, të ndodhur në datën 20 shtator 2022.

Ngjarja ka ndodhur në rrugicën që të çon tek pastiçeria e cila ndodhet në zonën e “Ali Demit” në kryeqytet. Sipas dosjes hetimore, aktori Rezart Veleshnja është konfliktuar verbalisht dhe më pas fizikisht me Gentjan Kullollin, ky i fundit një punonjës i pastiçerisë së mësipërme.

Shkak i përplasjes fizike mes dy personave ka qenë bllokimi i parkimit, me një furgon “Cady” që përdorej nga punonjësi i pastiçerisë, Gentjan Kullolli

Në pamjet filmike që ka sekuestruar policia me qëllim hetimin e këtij incidenti, Veleshnja shafqet me një motor dhe në kokë mban një skafandër. Ai zbret nga motori dhe drejtohet nga furgoni “Cady”. Ku pasi shikon se në të nuk ndodhej shoferi, Veleshnja hipën brenda në furgon, e ndez atë dhe e largon disa metra më larg.

Pikërisht në këtë moment shfaqet Gentjan Kullolli që del nga pastiçeria teksa mban disa arka dhe drejtohet në drejtim të furgonit “Cady”.

Në timon ai ka konstatuar aktorin Rezart Veleshnja, të cilit ka filluar ti kërkojë llogari për ndezjen dhe largimin e furgonin nga vendi i parkimit. Por në këtë moment sipas Gentjan Kullolli, Veleshnja e ka fyer rëndë, ndaj dhe ai e ka goditur disa herë me grusht.

Veleshja në kokë mbante skafandën e motorit ndaj nuk ka pësuar dëmtime, ndërsa përleshja fizike e tyre me goditje të ndërsjellta ka vijuar për pak çaste. Kanë qenë punonjësit e pastiçerisë ata që i kanë ndarë dy personat.

Sipas materialit hetimor, thuhet se Rezart Veleshnja, është larguar me vrap dhe ka hyrë në ambientet e një servisi aty pranë, nga ku ka marrë një shufër hekuri dhe është drejtuar drejt vendit ku ndodhej Gentian Kullolli. Por Veleshnja në asnjë moment nuk e ka përdorur shufrën e hekurit.

Të dyja palët e përfshira në këtë konflikt kanë përfunduar në ambjentet e policisë, ku janë marrë në pyetje dhe kanë bërë kallëzim penal. Por teksa materiali i referuar nga policia në prokurori është në fazën e verifikimit, mësohet se si Veleshnja dhe Gentjan Kullolli, kanë hequr dorë nga kallëzimi, duke shprehur vullnetarit normalizimin e marrëdhënieve mes tyre.

“Ora News” 

Lajme të tjera

Zjarri në fushën e mbetjeve në Elbasan, ironia e Dervishit: Tani do digjet edhe Inceneratori

Prej orësh, fusha e mbetjeve pranë Inceneratorit të Elbasanit, është përfshirë nga një zjarr i fuqishëm, duke bërë që një pjesë e mirë e...

Trafik kokaine dhe heroine nga Amerika Latine drejt Zvicrës/ SPAK dërgon për gjykim dosjen, cilët ishin dy ‘kokat’ shqiptare që drejtonin grupin

Prokuroria e Posaçme kundër Korrupsionit dhe Krimit të Organizuar përfundoi hetimet dhe ka dërguar për gjykim dosjen e dy shqiptarëve të përfshirë në trafik...

Zjarri në landfillin e Elbasanit! Reagon ashpër Erion Murataj “Po vrisni fëmijët për interesat e politikës”

Kryetari I PSD Elbasan Erion Murataj ka reaguar ashpër në lidhje me situatën e jashtëzakonshme që është krijuar si pasojë e zjarrit në landfillin...

Inceneratori i Elbasanit dhe skandali me “Eco Elb”! Vetting: Fitues shpallet ofertuesi më i shtrenjtë ‘Ergi’ sh.p.k! Kontratat e dyshimta, 7 bashki i paguajnë...

Mbi një det të trazuar apo të qetë pamjet që ofrojnë pulëbardhat të krijojnë përshtypjen e parajsës në muzgun e mbrëmjes në qytetin e...

Zjarri në landfill dhe zjarri në Balëz “mbysin” qytetin e Elbasanit

Elbasan -Katastrofë mjedisore në Elbasan,zjarr i fuqishëm në Landfillin pranë Inceneratorit ,tym i zi dhe aromë e padurueshme mbi qytet. Njëkohësisht zjarri në fshatin Balëz...

Tjetër zjarr në Elbasan.Ja ku ndodhet

Një tjetër zjarr është shënuar në fshatin Mengël të Elbasanit ku është përfshirë nga flakët një sipërfaqe pylli me pishë dhe shkurre. Pas marrjes së...