Një fëmijë vetëm 1 vjeç është infektuar me HIV/ AIDS në spital.
Prindërit rezultojnë negativ ndaj dyshimet janë se fëmija është infektuar si rezultat i një gabimi njerëzor gjatë kohës që merrte trajtim mjekësor.
Rasti që është ende nën investigim për gjetjen e përgjegjësve është kambanë alarmi për sigurinë e munguar në institucionet e kujdesit shëndetësor.
“Dyshimet në rastin kur prindërit janë negativ janë për të investiguar në kujdesin shëndetësor i cili është ofruar në spital. Fëmija është në terapi sapo u konfirmua diagnoza.”
Vitin e shkuar nuk kishte fëmijë të infektuar ndërsa nga janari deri në tetor në mesin e 80 rasteve të reja janë dy janë të mitur.
“Nga janari deri në tetor kemi 80 raste të reja, 19 femra dhe 61 meshkuj.”
Drejtorja e Shoqatës së Personave të Infektuar me HIV/AIDS, Olimbi Hoxhaj shpreh si shqetësim diagnostikimin e vonë që jo rrallë herë shkakton fatalitete.
“Njëkohësisht kemi 11 humbje jete, 5 të cilat janë këtë vit të diagnostifikaur, çka tregon që janë diagnostifikaur vonë.”
Ajo që vërehet këtë vit është rritja e moshës së personave të infektuar me HIV/AIDS.
“Kemi një grupmoshë 39.5 vite tek femrat dhe diçka më pak tek meshkujt. Kjo për shkak të sjelljeve homo dhe biseksuale në marrëdhënie.”
Sipas të dhënave të Institutit të Shëndetit Publik në Shqipëri rezultojnë të prekur nga kjo sëmundje infektive, 792 persona nga të cilët 12 fëmijë.
“Ora News”
