33.6 C
Elbasan

Ikën 44 mijë shqiptarë vetëm vjet: Emigracioni në nivelin më të lartë të dekadës

Nga Shqipëria, në vitin 2019 janë larguar rreth 44 mijë persona, si emigrantë niveli më i lartë që nga 2014-s, sipas statistikave të publikuara nga INSTAT.

Ndërsa janë më të shumtë ata që ikin, gjithnjë e më pak po preferojnë të kthehen. Në vend janë kthyer 20.7 mijë imigrantë, që është niveli më i ulët që nga viti 2010, kur INSTAT raporton të dhënat.

Si rrjedhojë, migracioni neto (diferencave mes emigrantëve që ikin dhe imigrantëve që vijnë) është zgjeruar, duke arritur në 2019-n në rreth 23 mijë persona që janë larguar neto nga vendi, niveli më i lartë, të paktën që nga 2011-a, kur janë të disponueshme statistikat e INSTAT.

Që prej vitit 2016 konstatohet një rritje e tendencës për të ikur nga vendi, duke rikthyer një valë të dytë emigracioni në vend, ndonëse në nivele më të ulëta në raport e periudhën 1990-2000.

Mesatarisht nga vendi gjatë periudhës 2011-2019 janë larguar rreth 400 mijë persona. Për të njëjtën periudhë janë kthyer 236 mijë të tjerë, duke bërë që nga vendi të largohen neto rreth 164 mijë persona.

Krahas rritjes së migracionit neto, Shqipëria po vuan dhe tkurrjen natyrale, me numrin e vdekjeve që po barazohet me atë të lindjeve.

Sipas INSTAT, për shkak të rënies së lindjeve dhe emigracionit të lartë, popullsia e Shqipërisë u pakësua vitin e kaluar me 16.5 mijë.

Popullsia e Shqipërisë në 1 janar 2020 rezulton 2.845.955 banorë, duke pësuar një rënie me 0,6%, krahasuar me 1 janar 2019. Në vitin 2019, shtesa natyrore e popullsisë është 6.624 banorë, duke pësuar një rënie prej 7,1 %, krahasuar me një vit më parë. Migracioni neto (Imigrantë-Emigrantë) është -23 mijë banorë.

Gjatë vitit 2019, lindën 28.561 foshnja, duke pësuar një rënie prej 1,3 %, krahasuar me një vit më parë. Numri i vdekjeve në 2019 është 21.937 persona, duke pasur një rritje prej 0,6 %, krahasuar me një vit më parë.

Ndërkohë, popullsia po plaket.  Në 1 janar 2020, mosha mediane e popullsisë rezulton 37,2 vjeç nga 36,7 që ishte në 1 janar 2019.

Plakja e popullsisë dhe rigjallërimi i emigracionit pritet të kenë ndikim negativ në të ardhmen e vendit, si në drejtim të produktivitetit të punës, ashtu dhe të skemës së pensioneve.

Vitet e fundit bizneset po ndiejnë presionin e gjetjes së fuqisë punëtore të kualifikuar, si rrjedhojë e shtimit të tendencës së profesionistëve për të ikur, sidomos të specialistëve të teknologjisë së informacionit dhe mjekëve e infermierëve.

Situata e krijuar nga Covid-19 ka frenuar përkohësisht tendencën e emigracionit, por nëse varfëria do të rritet në vend, ky fenomen mund të rigjallërohet sërish.

Monitor

Lajme të tjera

Përfshihet nga zjarri një automjet në aksin Cërrik-Belsh, shkaktohen dëme materiale

Një incident ka ndodhur ditën e djeshme në aksin rrugor Cërrik-Belsh ku një automjet është përfshirë nga flakët. Dyshohet se shkak i zjarrit, për shkak...

FOTO+EMRI/ U qëllua për vdekje nga biznesmeni italian, ja kush është i riu 25-vjeçar që humbi jetën gjatë një tentative për vjedhje

Biznesmeni përgjegjës për vrasjen e një të riu shqiptar dhe plagosjen e një të riu tjetër të së njëjtës kombësi ka rrëfyer fajin. Ngjarja...

“Droga ju vret!” Rriten përdoruesit në moshë të re, mjekët mesazh të rinjve

Në ditën botërore kundër drogave, mjekët kanë zgjedhur të japin një mesazh ndaj të rinjve. Ata ju kujtojnë pasojat në shëndetin mendor, atë fizik...

Emri/ Mashtronte duke u shtirur si përfaqësuese e një shoqate bamirësie, arrestohet 33-vjeçarja! Ja si e ushtronte veprimtarinë e saj, aplikonte për kredi…

Një 33-vjeçare është vënë në pranga, pasi me anë të mashtrimit aplikonte për kredi pasi i merrte të dhënat shtetaseve Donika Curri iu merrte foto...

Gara për kreun e BKH, ja emrat që u kualifikuan në fazën e parë

Komisioni i Përzgjedhjes në mbështetje të nenit 148/dh të Kushtetutës së Republikës së Shqipërisë, të nenit 34, të ligjit nr. 95/2016 “Për Organizimin dhe...

Greqia përballet me zjarre të frikshme, evakuohen banorët në disa zona

Zjarrfikësit grekë janë përballur me një vatër zjarri që ka prekur shtëpitë afër qytezës detare të Palaia Fokaias, 40 kilometra në jug të Athinës....