30.7 C
Elbasan

QSHA mbron testin e Letërsisë: Gabimet drejtshkrimore të qëllimshme

Qendra e Shërbimeve Arsimore njofton se ka mbajtur një takim ditën e djeshme me të gjithë të interesuarit lidhur me testin e Maturës Shtetërore të Gjuhës shqipe dhe letërsisë.

Në këtë takim morën pjesë përfaqësues të MASR, QSHA, DPAP, KOMSH, si edhe 20 mësues të Gjuhës shqipe dhe letërsisë nga shkolla të ndryshme të Tiranës, Fierit, Vlorës, Elbasanit etj.

Sipas njoftimit të MAS në takim thuhet se është rënë dakord nga të gjithë të pranishmit se “testi i Gjuhës shqipe dhe letërsisë nuk ka dalë jashtë programit orientues (pra është në pajtueshmëri të plotë me të) dhe nuk ka gabime shkencore.”

Justifikohen gabimet-

Ndër të tjera kjo qendër informon se gabimet drejtshkrimore kanë qenë të qëllimshme.

“Lidhur me pretendimin se në test ka gabime drejtshkrimore, QSHA sqaron se ka vërtetë një tekst me gabime, por ky tekst është ndërtuar në mënyrë të qëllimshme i tillë, për të vlerësuar kompetencat gjuhësore të nxënësve. Kjo u është bërë e ditur maturantëve, përmes një fjalie sqaruese, që në fillim të tekstit.

Nga ana tjetër, duhet theksuar se përdorimi i teksteve të tilla është një praktikë e përdorur nga hartuesit e testit edhe më parë në testet e Maturës Shtetërore. Madje, edhe në modelin e prezantuar nga QSHA para disa ditësh, është përfshirë një tekst i tillë. “

Sipas këtij njoftimi “në takimin e djeshëm u pranua se testi në fjalë ka qenë i përshtatshëm për vlerësimin e kompetencave, duke u bazuar plotësisht në programin orientues dhe në përpjesëtim të drejtë, gjithashtu, edhe me programin e shkollave profesionale.”

Poezia e Lasgush Poradecit-   Sa I takon pyetjeve të Poradecit, kjo qendër saktëson se ka qenë autor i lexuar dhe i studiuar gjatë procesit mësimor në shkollë.

Në lidhje me përfshirjen në test të poezisë së Lasgush Poradecit, u qartësua se ky autor është i lexuar dhe i studiuar gjatë procesit mësimor në shkollë. Përfshirja e tij në provimin e maturës u është bërë e qartë nxënësve, edhe përmes paraqitjes së tij në testin model, i cili është shpërndarë paraprakisht tek ata. Kjo u ka dhënë mundësi maturantëve dhe mësuesve që të bëjnë përsëritjet e nevojshme mbi veprat e këtij autori, për një përgatitje sa më të mirë të nxënësve në provimet e maturës.

Nxënësit e dinin- Sipas QSHA nxënësit kanë qenë në dijeni të këtij testi edhe më përpara.

Gjithashtu, u nënvizua se modeli i testit të shpërndarë tek nxënësit paraprakisht, ka qenë shumë i ngjashëm me provimin e “Gjuhës shqipe dhe letërsisë”, si nga teknika e organizimit të pyetjeve, ashtu edhe nga përmbajtja e tyre. Ky fakt do të thotë se nxënësit kanë qenë plotësisht të informuar mbi natyrën e provimit me të cilin janë ballafaquar javën e kaluar.

Megjithatë vijohet në deklaratë është vlerësuar që  shpërndarja e pikëve të bëhet në bazë të rezultateve të nxënësve, “si dhe do të konsiderojë heqjen nga vlerësimi përfundimtar i ndonjë pyetjeje specifike që rezulton të ketë pasur nivel më të lartë vështirësie se sa niveli i njohurive të nxënësve.”

ora news

Lajme të tjera

Skandali mjedisor në Vjosë! Ngrihet ALARMI: PAMJE të frikshme, ngordhin gjallesat të zhytura në naftë

Parku Kombëtar i Vjosës po përballet me një skandal mjedisor, ku lumi i fundit i egër në Europë po kërcënohet seriozisht pasi është derdhur një...

Adriatik Lapaj paraqitet në SPAK

Kreu i Lëvizjes "Shqipëria Bëhet", Adriatik Lapaj, është paraqitur këtë të premte në Prokurrorinë e Posaçme Antikorrupsion. Mësohet se Lapaj është paraqitur në seancën e...

5 Ushqime Super të Shëndetshme që Duhet të Shtosh në Dietën Tënde

Ushqimi është burimi ynë kryesor i energjisë dhe vitalitetit. Duke shtuar këto 5 ushqime super të shëndetshme në dietën tuaj, do të ndiheni më...

Përse shtrenjtohen frutat? Shumica e fitimit i mbetet tregtarëve, fermerët shesin shumë më lirë në fushë

Çmimi i çdo prodhimi bujqësor nga ferma deri në tavolinë në vendin tonë dyfishohet Në fshatin Imësht të Lushnjës, dhe fruti i freskisë 105 km...

Nga Leonardo DiCaprio tek Ivanka Trump e Kim Kardashian/ Ja VIP-at që morën pjesë në dasmën madhështore të Jeff Bezos dhe Lauren Sanchez

Miliarderi Jeff Bezos dhe Lauren Sanchez kurorëzuan dashurinë e tyre në një dasmë madhështore prej tre ditësh në Venecia. Dasma filloi zyrtarisht me një darkë...

Ministria e Mbrojtjes: 3 raste zjarri të raportuara, të gjitha u shuan

Ministria e Mbrojtjes thotë se të premten janë raportuar 3 zjarre, të cilat janë shuar. Forcat në terren shuan vatrën në një sipërfaqe me shkurre...