18.6 C
Elbasan

Reforma Zgjedhore: Sot rimblidhet Komisioni Politik

Me kërkesë të përfaqësuesit të maxhorancës në Këshillin Politik, Damian Gjiknuri, katërshja politike do të mblidhet sërish sot për të reflektuar marrëveshjen e arritur të premten që shkoi, në Kodin e ri Zgjedhor.

Përmes një e-maili dërguar Oerd Bylykbashit, Petrit Vasilit e Rudina Hajdarit, Gjiknuri shprehet që mbledhja të bëhet ditën e premte, në orën 11:00, për të përfunduar me draftin dhe ta kalojë atë në Komisionin Parlamentar.

“Mbledhja duhet të trajtojë të gjitha temat e mbetura dhe të miratojë gjithë paketën e amendimeve që adresojnë marrëveshjen e arritur.

Kjo bëhet edhe më e mprehtë nga nevoja për të kaluar të gjitha procedurat parlamentare, deri në miratimin e saj në seancë plenare, duke pasuar edhe me zgjedhjen e organeve përkatëse brenda këtij sesioni parlamentar, që mbaron në fund të korrikut 2020.

Çdo vonesë në miratimin e ligjit dhe zgjedhjen e organeve të reja të KQZ-së, do të rrezikojë fillimin e implementimit të teknologjisë për identifikimin elektronik në të gjithë vendin”, shkruhet në e-mailin e dërguar nga zjiknuri.

Më tej, ky i fundit shkruan: “Temat e tjera që kemi vendosur t’i adresojmë të ndara nga Kodi Zgjedhor, mund t’i trajtojmë në një mbledhje tjetër, pasi puna e këtij Këshilli do të vazhdojë sikurse është rënë dakord me trajtimin e çështjes së sistemit zgjedhor, ligjit për referendumet dhe ligjit për financimin e partive politike”.

Pas mbledhjes me Këshillin Politik, dy bashkëkryetarët e Komisionit Parlamentarë të Reformës Zgjedhore, Damian Gjiknuri dhe Rudina Hajdari, do të zhvillojnë në orën 17:00 një mbledhje online me anëtarët e Komisionit Parlamentar të Reformës, për t’i informuar në lidhje me punën e bërë në Këshillin Politik.

OPOZITA

Teksa maxhoranca kërkon që brenda korrikut të zgjedhë strukturat e reja të KQZ-së, një grup deputetësh prej 39 vetë të opozitës së re kërcënojnë se nuk do ta votojnë draftin e dakordësuar me opozitën jashtë parlamentare, pa ndryshuar sistemin zgjedhor apo pa hapur listat.

Ata dështuan që të arrinin një konsensus për këtë, edhe pse dy ditë më parë u takuan me kreun e Kuvendit, Gramoz Ruçi, dhe Kryeministrin Rama.

Por çfarë ndodh nëse në Parlament, maxhoranca nuk siguron dot minimalisht 84 vota për të votuar draftin e ri?

Ish- kryetari i KQZ-së, Ilirjan Celibashi, sqaroi për gazetën “Panorama” se, nëse drafti i ri nuk kalon dot në Parlament, atëherë Shqipëria mbetet me draftin aktual.

Ndërkohë, sa i përket Kolegjit Zgjedhor, Celibashi u shpreh se anëtarët e këtij Kolegji do të zëvendësohen dhe do të mbesë siç ka qenë në zgjedhjet e shkuara.

“Nëse nuk sigurohen 84 vota, atëherë do qëndrojë në fuqi Kodi aktual.

Sa i përket Kolegjit Zgjedhor, ai do të krijohet, por gjyqtarët që janë shkarkuar nga vetingu do të zëvendësohen dhe nuk është kusht që ta kenë kaluar vetingun”, tha Celibashi.

Lajme të tjera

Aksident në aksin Prrenjas-Librazhd

Tre automjete janë përfshirë në aksident, ku për pasojë janë lënduar tre persona, njëri prej tyre është në gjendje të rëndë, ndërsa dy të...

Vlorë, shtohen vizitat në psikiatri! Ditët e nxehta, rritet numri i personave që paraqesin shqetësime të shëndetit mendor

Në Spitalin Psikiatrik të Vlorës, gjatë këtyre ditëve të nxehta të muajit qershor është shënuar një rritje e ndjeshme e numrit të vizitave nga...

I ofroi 50 mijë euro Laert Haxhiut për vrasjen e Albi Bashaliut ne Peqin, ekstradimi i Lorenc Lalës në fokusin e medias britanike

Ky është Lorenc Lala në këtë foto, pak ditë pas prangosjes në Londër me qëllim ekstradimi në vendin tonë. Arrestimi i tij në Londër si...

“Sulmi i SHBA shkatërroi programin bërthamor iranian”, Sekretari amerikan i mbrojtjes: Kur Presidenti Trump flet, bota duhet të dëgjojë

Sekretari amerikan i mbrojtjes, Pete Hegseth, e nisi informimin në Pentagon duke thënë se sulmet e mbrëmshme kishin për qëllim “degradimin” dhe “shkatërrimin” e...

Arrestohet 30-vjeçarja, e dehur në timon kundërshtoi policët! Theu edhe xhamin e dhomës së shoqërimit në komisariat

Specialistët për Hetimin e Krimit në Komisariatin e Policisë Nr. 1, arrestuan në flagrancë shtetasen A. P., 30 vjeçe, banuese në Prishtinë, Kosovë Arrestimi i...

A do të përfshihet NATO në konfliktin mes Iranit dhe Izraelit?

Një zyrtar i NATO-s ka deklaruar të dielën për agjencinë Reuters se Aleanca po ndjek nga afër zhvillimet pas sulmeve të Shteteve të Bashkuara...