Dy vëllezër banues në Sauk të Tiranës janë arrestuar pasi gjatë kontrollit masiv të territorit në fshatin Garunjë, Peqin u gjet një parcel me kanabis në mes të pyllit. Në pranga ra dhe bashkëpunëtori i tyre nga Rrogozhina ndërsa është proceduar në gjëndje të lirë kryeplaku I fshatit Garunjë e Madhe, Peqin.
Fidanët e dyshuar narkotikë canabis sativa u asgjësuan me anë të djegies.
Në vijim të operacionit, gjatë kontrollit në banesën e dy vëllezërve shërbimet e Policisë kanë gjetur dhe sekuestruar në cilësinë e provës materiale 2 armë gjahu, një sasi municioni luftarak, 1 palë dylbi, 2 radio marrëse-dhënëse, 1 automjet, 3 aparate celuare dhe 1 mjet prerës (thikë).
Materialet procedurale i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme procedurale.
Të arrestuar
Nj. S., 36 vjeç dhe G. S., 45 vjeç (vëllezër), të dy banues në Sauk, Tiranë;
M. S., 47 vjeç, banues në Rrogozhinë.
Hetim në gjëndje të lirë shtetasi H. M., me detyrë kryetar i fshatit Garunjë e Madhe, Peqin.
