Komisioneri për Mbrojtjen nga Diskriminimi, Robert Gajdja ka reaguar pas debateve të shumta që po bëhen kohët e fundit lidhur me emërtimin e prindërve në ‘prindi 1 dhe prindi 2’. Pas këtij debati është vënë në qendër të sulmeve komuniteti LGBTI, me fyerje nëpër komentet e rrjeteve sociale dhe nëpër media online.
Gajdja i ka konsideruar këto sulme si të papranueshme dhe ka kërkuar që të merren masa për fshirjen e komenteve denigruese ndaj anëtarëve të këtij komuniteti.
Deklarata e Plotë
Komisioneri për Mbrojtjen nga Diskriminimi Robert Gajdja, po ndjek me vëmendje debatin publik në lidhje me të drejtat dhe kërkesat për të drejta të Komunitetit LGBTI. Komisioneri vlerëson se çdokush ka të drejtë të pretendojë të drejtat dhe çdokush ka të drejtë të debatojë dhe të mendojë kundër.
Konsiderohet e prapranueshme gjuha e përdorur në formën e denigrimit, stereotipizimit negativ apo stigmatizimit kundrejt komunitetit LGBTI dhe kundrejt çdo komuniteti tjetër nê shoqëri.
Debati duhet te kryhet me argumenta dhe arsye dhe duhet te shmanget çdo formë përçmimi që përforcon diskriminimin kundrejt grupeve shoqërore. Shqetësuese është përhapja në mediat sociale dhe online e komenteve që nxisin dhunën, urrejtjen dhe krimet e urrejtjes, mbi opinionet e personave publikë.
Komisioneri i kërkon mediave on line dhe personave publike qe te heqin komentet me përmbajtje urrejtje dhe që nxisin dhunë.
Gjithashtu, qytetarët të denoncojnë si dhe të raportojnë në mekanizmat që rrjetet sociale kanë për eliminimin e gjuhës së urrejtjes. Komisioneri për Mbrojtjen nga Diskriminimi garanton të gjithë qytetarët se do të ushtrojë të gjitha mekanizmat për të mbrojtur të drejtat e Njeriu.
fax
