Shqiptarët në Itali janë të privuar nga pensioni si në vendin e lindjes dhe në atë ku jetojnë.
Që prej vitit 2013, negociatat kanë mbetur pezull dhe Tirana zyrtare edhe pse ka premtuar nje marrëveshje me fqinjet ende nuk e ka arritur ate ne 8 vite.
Kjo çështje çoi në Romë kryeministrin Rama, i cili pas takimit me homologun e tij Draghi tha se i kërkoi përshpejtim të këtij procesi.
Rama: Munda ti kërkoj kryeministrit edhe një përshpejtim të procesit të njohjes së pensioneve. Ka shumë shqiptarë që punojnë prej vitesh dhe paguajnë kontribute në shtetin italian. Folëm për sigurinë, drejtësinë. Kemi mundësi të mira për të zhvilluar projekte që tu drejtohen më shumë të rinjve, të tërheqin të rinjtë drejt një arsimi dhe edukimi me cilësi të lartë si ajo që ndihet ndërkombëtarisht si Akademia italiane e Policisë, Shkolla italiane e Magjistraturës.
Rama nënvizoi se Italia ka pasur rol kryesor në të gjithë periudhën e kalimit të dhimbshëm nga regjimi diktatorial në demokraci funksionale.
Kryeministri Edi Rama ndodhet sot në një vizitë zyrtare në Itali.
