Zbulohen detaje të reja në lidhje me vrasjen e 19 vjeçares në Pirea të Greqisë nga i dashuri saj 24 vjeçar, të dy me origjinë shqiptare.
Bëhet fjalë për autorin Qamil Taja dhe viktimën Kristjana Brakaj e cila gjeti vdekjen e menjëhershme pasi u qëllua nga i dashuri saj me armë zjarri.
Sipas
informacioneve absolutisht të vlefshme, në orët e para të mëngjesit çifti nga Shqipëria , duke u kthyer nga puna, kanë nisur sërish përleshjet.
Burri, nën ndikimin e kokainës, ka nxjerrë armën dhe teksa 19 vjeçarja ishte në divan, e ka drejtuar me gisht, ka tërhequr këmbëzën dhe e ka qëlluar një herë në kokë.
Më pas, ai ka marrë armën, e ka fshehur në frigorifer dhe ka shkuar i vetëm në Teatrin Komunal A. T.
Aty i ka thënë me qetësi policisë : “Është koha të dorëzohemi sepse kam vrarë partneren në banesë” . Policia ka shkuar në rrugën Vamva dhe brenda banesës ka gjetur 19 vjeçaren të pajetë në divan me një plumb në kokë dhe armën e krimit të futur në frigorifer.
Sipas informacioneve, 24 vjeçari ishte i fiksuar dhe çmendurisht xheloz për partneren e tij. Vrasësi i vetëdorëzuar punonte në një lokal në Troumba dhe 19 vjeçaria punonte në një lokal nate në Kallithea.
