29.2 C
Elbasan

Sot mbyllet maratona, Spahia mesazh besimtarëve myslimanë: Zoti na e pastë pranuar agjerimin, nesër kemi festën e Fiter Bajramit

Kryetar i Komunitetit Mysliman të Shqipërisë, Bujar Spahiu, i është drejtuar besimtarëve myslimanë me një videomesazh pak orë para mbylljes së maratonës 1 mujore të agjerimit.

Ai uron që Zoti tu ketë pranuar agjërimin, lutjet dhe të gjitha adhurimet gjatë këtij muaji të bekuar Ramazani të cilin po e përcjellin sot.

Ndërkohë nesër besimtarët festojnë Fiter Bajramin. Spahia thotë se “Bajrami nuk është festa e heqjes së kufizimit për të ngrënë e për të pirë.

Bajrami është festë e përmbylljes me sukses, me lejen e Zotit, të një rrugëtimi të përsosjes shpirtërore”.

Mesazhi i plotë

Të dashur motra dhe vëllezër!

Maratona jonë shpirtërore dhe fizike e këtij muaji, agjërimi, mbërriti në fund.

Për një muaj kemi ndarë me njëri-tjetrin sofrat në iftar e në syfyr, jemi lutur për vetet tona, por edhe për njëri-tjetrin.

Zoti i gjithësisë na e pastë pranuar agjërimin, lutjet dhe të gjitha adhurimet gjatë këtij muaji të bekuar Ramazani të cilin po e përcjellim sot.

Nesër kemi festë, kemi Fitër Bajram!

Bajrami nuk është festa e heqjes së kufizimit për të ngrënë e për të pirë.

Bajrami është festë e përmbylljes me sukses, me lejen e Zotit, të një rrugëtimi të përsosjes shpirtërore.

Bajrami është lumturia që ne ndiejmë me plotësimin e agjërimit të Ramazanit si dhe falenderimi ndaj Zotit për mirësitë e Tij mbi ne dhe që na përudhi të agjërojmë.

I Lartmadhëruari ka thënë: “Ai dëshiron që të plotësoni numrin e ditëve të agjërimit dhe që ta madhëroni Allahun, për shkak se ju ka drejtuar në rrugë të drejtë e që ta falënderoni Atë.” (El-Bekare).

Profeti Muhamed (a.s.) ka thënë: “Kush agjëron Ramazanin me besim dhe duke qenë i bindur në shpërblimin e Zotit, atij i falen të gjitha gabimet e kaluara.”

E lusim Zotin të na ketë falur të gjitha mëkatet, ashtu siç Ai na ka premtuar.

E lusim Zotin t’u ketë pranuar nijetin të gjithë atyre që nuk mundën të agjërojnë këtë muaj për shkaqe shëndëtesore.

E lusim Zotin ta begatojë me paqe dhe stabilitet vendin tonë.

Të furnizojë popullin tonë dhe gjithë botën mbarë në këto kohëra vështirësish të mëdha.

E lusim Zotin për paqe anë e kënd botës, konfliktet e hapura të mbyllen sa më parë dhe popujt të jetojnë në paqe e mos të vuajnë pasojat e luftërave.

Ju uroj përzemërsisht, agjëruesve në veçanti dhe mbarë shqiptarëve, brenda dhe jashtë Shqipërisë, Gëzuar Fitër Bajramin!

H. Bujar Spahiu

Kryetar i Komunitetit Mysliman të Shqipërisë

Lajme të tjera

I nxehti ‘pushton’ Evropën/ Temperatura mbi 40 gradë C, disa shtete në alarm të kuq

Valët e të nxehtit që përshkojnë Evropën kanë rritur temperaturat mbi 40 gradë Celsius në disa vende. Autoritetet po bëjnë thirrje për kujdes pasi kushtet...

Zjarr në Kuçovë, rrezikohen 5 puse nafte dhe banesat përreth lagjes

Një zjarr ka rënë në zonën naftëmbajtëse në qytetin e Kuçovës. Zjarri, që u vërejt në kallamishtet e lagjes alarmoi banorët pasi në zonë...

Franca ndalon pirjen e duhanit në plazhe, parqe dhe stacione autobusësh

Franca do të ndalojë pirjen e duhanit në plazhe, parqe, oborre publike dhe stacione autobusësh prej të dielës, ka thënë Qeveria. Dekreti, i publikuar në...

Banorët e Elbasanit drejt BE-së, pa ujë dhe me kova e legenë në dorë

Prej pesë ditësh, banorët e lagjeve "Aqif Pasha" dhe "Partizani" në Elbasan po përballen me mungesë totale të ujit të pijshëm në pallate. Ndërsa premtimet...

U divorcua nga burri pasi ishte shumë i mirë! Flet ish gruaja e Kaka

"Dua divorcin, sepse je më i mirë seç duhet" 😥 Karoline Celiko, ish-gruaja e Kaká, ka shpjeguar arsyen pse kërkoi divorcin nga ish-ylli i Milanit....

I nxehtë përvëlues në Europë! Termometri në Greqi, Turqi dhe Portugali shënon mbi 40 gradë Celsius

Temperatura ekstreme janë shënuar në disa pjesë të Europës, me valën e të nxehtit që ka pushtuar rajone të ndryshme të kontinentit të vjetër. Në...